مـقـدمــة

في أروقة وأزقة منفوحة الخلابة كان هناك بيتاً صغيراً تحتضن جدرانه المتشققة سعادة عائلة زهيدة العيش و حقيرة المعشر و قبيحة المنظر ودنيئة المخبر ومخيسة المظهر مكونه من أم تدعى ( بخيتة) وفلذات كبدها الفرافير البررة (شطيط ) و ( حبلوص)  <<< صورة طفلين من ملاجىء موريتانيا خااااقين مع كلمة فرافير ..

يعيش ذكور هذه الأسرة عقدة تولدت معهم منذ كينونتهم وهي عقدة ( صراع الذات) التي تتولد عند المرء حين يفقد الحنان الأنثوي ..

لحظة يا جماعة الخير   ..

 

معنا خلف كواليس القصه .. الطالب النجيب ( شاكوش ) الذي استطرد متسائلاً بكل إحترام و وقار و همه دءوبة وحرص منه على تغذية ثقافتة النفسيكلوجية حيث انه يرغب في طرح تساؤل بكل لهفة وشغف للعلم وبثارة ولقافة ..

تفضل يا ( شاكوش) .. اسأل سؤالك !!
- (شاكوش): ما هي هذه العقدة من منظور السيكلوبيديا ؟؟ .. وهل هي ناتجه عن ضغوط عادات المجتمع وتقاليده؟؟ .. أم انها خليط من متطلبات عصر الوسائط المتعددة و الدي إس إل ؟؟ .. هل استوحى علماء النفس لهذه العقدة تعريفاً لغوياً ام اصطلاحاً ام الأثنين معاً ؟؟ .. شكراً جزيلاً <<< صورة شاكوش لابس نظارات مقعرة ويكتب وراي على دفتر سلك ابو ميتين   …

 

بوركت يا (شاكوش) .. سؤال جميل وينم عن مدى تفاعلك مع القضية وحرصك على تغطية جميع جوانبها وأبعادها ..

هذه العقدة يا بُني شبيهه بعقدة مص الأصبع عند الأطفال … وعقدة الميول للألوان الجريئة والفاقعة وخصوصاً الأحمر عند التكارنه … وعقدة التلذذ بالبصق وتحفير الأنف في الطرقات عند الباكستانيين … و أخيراً عقدة الإشمئزاز والصراخ من كسر البيالات وتشغيل المكيف و صبخ البيبان وصب الخزان عند الشياب 

 

اتمنى يا ( شاكوش) ان الإجابه كانت شافيه لتساؤلاتك الفتاكة .. هالحين لا تقاطعني وخلني أكمل القصة واتبع المثل القائل: الباب اللي يجيك منه ريح سده ولا تقطع سالفته ..

لقد كبُر الأطفال وتضاعفت أعراض العقدة لديهم سلبياً مع تقدمهم بالعمر حتى بلغوا سن المراهقة المتأخرة وأصبحوا يلعقون صفحات المجلات الفنية المليئة بصور الفنانات الحسناوات وينبحون بأسمائهن ..

 

لحظة لحظة  ..

 

كني اشوف الطالب النابغه (شاكوش) يرفع نظارته بحركة متشتتة توحي بإصراره على طرح تسائل يتكلل بالنباهة والذكاء والتركيز الشديد المصاحب للرغبة الماسة في طلب العلم من المهد إلى اللحد ..
وش سؤالك يا شاكوش ؟؟ .. ..
- (شاكوش): لقد ذكرت يا أستاذي الفاضل قبل دقائق معدودة في إحدى اطروحاتك لمصطلح العقـدة وخصوصـ… !!
- اقوول اخلص على مندوبنا وعطنا سؤالك الله يلعن ام اللي ما يصفق جبهتك بملفك ويفصلك من المدرسة بعد هالحصة  <<< اغتث منه ..
- (شاكوش): حسناً .. حسناً .. سؤالي ينص كالتالي: لماذا لا تمدهم الأم بالحنان الذي يفتقدونه علماً بأنها أنثى بالغة عاقلة راشدة حره ؟؟ … كيف لها أن تترك أطفالها يتخبطون الجُدر و يلهثون متعطشين لحنانها الأنثوي؟ .. كيف لأمومتها أن تسمح لها بتجاهل ما يجول في شغفات قلوب أبناءها في حين أنها تتنفس الصعداء غير مبالية بأطفالها وهم يستنجدون بها ويتمتمون بقول: أماه .. إننا بحاجةٍ إليكِ يا أماه .. أعيرينا اهتماما ولو قيد أنملة !! .. دعينا نحطم قيود اللامبالاة ونجتاز حواجز الفرقة التي لطالما كانت عائقاً يردع تبادلنا للعواطف والأحضان  <<< يلعن أم السؤال!! .. يا جماعة الخير اشهدوا لو طال الموضوع عليكم ترى من (شاكوش) موب مني!! … انا قررت يا ( شاكوش) اني أعطيك حظر نظراً لأنك غثيث وصاير نفرة بين الفخذين على هالإستقعاد   ..

طبعاً بغض النظر عن الملحمة اللي قالها شاكوش المهلهل هو و أنملته .. لكن سؤاله البايخ ذكرنا بأمهم .. وانا نسيت اقول لكم أن الأم ذكر شكلاً ومضموناً يعني ما فيها من الأنوثة شعرة وهذا حسب المذكور في شهادة ميلادها وحسب عضلاتها المفتولة و وجهها المشعّر والمنفـّر والمتشلخ بسكاكين وصواطير لدرجة انها تخيط شقوقه بحبل بواخر ..

 

الناس هوايتهم جمع الطوابع .. جمع القواقع البحرية .. جمع الفقع .. جمع لزقات السن توب .. لكن (بخيته) هوايتها جمع أكبر قدر ممكن من الحبشيات وتوزيعهم على شتى إشارات أحياء الرياض لبيع المناديل والمويه وغالباً تتطرق لمجال الطرارة .. وطبعاً لو تطرقت لهالمجال ضروري تاخذني انا واخوي (حبلوص) نظراً لأننا عاهات و أشكالنا تزرع الرحمة والشفقة في قلوب رواد الإشارات المرورية من المسلمين والمسلمات الأحياء منهم والأموات   ..

وعلى طاري عاهات .. فيه حركة تراجيدية خطرة يتقنها اخوي (حبلوص) وهي انه يدخّل رجله في أذنه ويطلّعها من فتحة خشمه بعدين يسحب خشمه لفمه ويبلعه ثمن ينزل به للبطن و يطلّعه هو و الرجل من فتحة السّر <<< معلومة : ترى هالحركة إذا سواها (حبلوص) تنسد شعيباته الهوائية وأوردته الدموية ومسالكه البولية ويجلس أسبوع كامل يتنفس من مؤخرته   ..

أذكر مره حلّت على عائلتنا السعيدة غمامة سوداء وأعلنّا إفلاسنا .. يومها أعلنت الوالدة حالة الطوارىء وأعطت اخوي (حبلوص) الأمر بتنفيذ هالحركة عند اقرب إشارة .. عقبها إشارات المخطط اللي حنا فيه كلها ولعت خضرا وصفرا وحمرا مراراً وتكراراً.. والعالم ما مشت نازلة من سياراتها ومجتمعه على اخوي!! .. اللي يكتب له شيك بعشرة مليون ويتعذر عالقصور ويحلف انه بيجيب له الباقي بكرة !!… واللي كتب املاكة بأسم اخوي وعطاه مفتاح سيارته البورش و رجع بيتهم كعابي !! .. واللي حاضن اخوي يصيح ويقول له بكل روحانية: حللني  !!! .. لدرجة ان القناة الأولى ذاك اليوم سوت حملة تبرعات شعبية بقيادة الشيخ سعد البريك على مدار شهر كامل تحت شعار ( يداً بيد نضع للإعاقة حد ) برعاية جمعية الأطفال المعوقين و جمعية ذوي الإحتياجات الخاصه !! .. عقبها العالم قاموا يتبرعون بفلوسهم واللي خلصت فلوسهم كملوا التبرعات بأعضاء جسمهم اللييين صدر أمر ملكي عاجل بوقف عملية التبرعات ومنع تنفيذ هالحركة منعاً باتاً لأنها تسببت في انهيار الاقتصاد الدولي وهبوط الأسهم المحلية و البورصة العالمية و انخفاض دخل الفرد بمعدل 99,99 %  ..

 

الزبدة .. ان الوالدة كانت مستغلتنا استغلال شنيع وفي نفس الوقت حاشرتنا في البيت مع ذا الحبشيات اللي تترزق منهم .. وتعال عاد شف الحبشيات إذا تميلحوا !!.. قسم بالله لو يحلفون انهم بنات ويجيبون لي صك من المحكمة و أربع شهود علشان يثبتون صحة ان جنسهم أنثى ما والله اصدق ..

والمصيبة ان الله بلاني بثنتين منهم .. وحده اسمها (زربكية ) و الثانية (زبيبة) يحبون تراب الأرض اللي امشي عليه وخاقين على جمالي الكاسر نظراً لأني أحلى شين في منفوحة .. لكن المشكلة ان اجسامهم ناشفة كنها باب حمّام ولو تشوفهم ما تفرق وجيهم عن مقفاهم لدرجة ان ودك تجيب بخاخ جدران وتكتب على وجيهم: (( تااالف ))  !!!  …

في مره من المرامير .. كنت اتعشى وشوي تجلس جنبي (زربكية) بقميصها الأصفر في خلوة رومانسية
<<< الرجاء إستخدام الحديدة لفك الشفرة 

المهم .. بينما أنا جالس مدّهر في الأكل شوي و تظهر لي (زربكية) محاسنها الخايسة وتتسدح وتتمغط وتتشقلب قدامي تحاول تغريني واخوكم فاصل الإحساس وياكل ما درى عنها … والبنت شاده حيلها في الإغراء .. واخوكم منسجم مع الأكل ومعطيها الخامس .. البنت خربتها وانتقلت للإغراء الحسي وبكل فجور قربت مني و.. (عزيز القارىء : أدخل رمز الشفرة _ _ _ _ )  
الخلاصة .. انها قامت تسوي حركات داعرة .. واخوكم مازال خاشع مع السفرة ومعطيها أشكل .. استمرت البنت في محاولة تنبيهي بوجود أحد غيري في الغرفة ولكن دون جدوى الليييين انهد حيلها وتطيح من التعب .. وانا اللي أشبع وأقوم بكل براءة وأشيل السفرة بالأكياس وقواطي البارد اللي فيها واصفقها في خشة (زربكية) احسبها صندوق زبالة على هالقميص الأصفر اللي لابسته  ..

كله كوم و (زبيبة) كوم ثاني  .. (زبيبة) هذي اللي ما فيه عملية سيلكون وتفخ ونفخ وتضخيم وسمكرة ما سوتها عشان تثيرني لكن مع ذلك تبقى في نظري خشبة و شينه لأن المثل يقول " الزين زين لو أكل نصفه والشين شين لا تلحسه كله "  <<< والمثل يقول عظ على شحم وقل الأمثال صح ..

 

كنت في إحدى الليالي النكراء أسوق الباص بوصّل حبشيات لحي الشفا .. ومن سوء حظي ان (زبيبة) كانت راكبة جنبي .. فجأه وبحركة إغراء جريئة رفعت قميصها الذهبي وتحط سيقانها عالدركسون قدامي وتعظ على براطمها بجرئة لاذعة وقالت بأسلوب مُقزز: اوووف حر يا حبيبي !!! .. .. ما اخفيكم انا يوم شفت قميصها ذهبي وسيقانها سود توقعتها تويكس ابو ريالين راكب جنبي بس استدركت وعيي ورجعت لجادة الصواب وقلت بعصبية مريرة : لا تقولين حبيبي حبك برص!! .. .. ما وعيت الا وهي تلزق فيني وتحط يدها على رقبتي بكل أريحية وترد علي بأسلوب يبعث في النفس رغبة التطريش وقالت: هاهاهاهاهااي .. لو انا ما قولتليك حبيبي مين حيقوليك غيري!!! .. عقبها انا ما قدرت استحمل الصدمة ولا شعورياً مسكت راسها واصفقه في الطبلون ثمن ادخّله في درج الباص واسكر عليه  ..

احترت انا و (حبلوص) وش نسوي  ؟؟ .. قسم بالله ملينا !! .. فكرنا نترك الشغل مع أمي ونفتح محل ابو ريالين بس المشكلة سكان منفوحة ما يتعاملون الا بالعملات الحديدية من انصاص وارباع وقروش !! .. فكرنا نشتغل حفارين قبور في مقبرة منفوحة بس المشكلة أشكالنا توظفنا ميتين في المقبرة موب حفارين !!.. فكرنا ننحاش من منفوحة ونروح للعليا حيث العبايات المخصرة واللثمة وفلة الحجاج بس المشكلة ما معنا جوازات  !! <<< طيب وش رايكم تحطون حبل على رقابكم وتربطونة في سقف و ترقون فوق كرسي وتطمرون ترى هالحل ممتاز وما فيه أي مشاكل او عوائق ..

لحظة شوي يا جماعة  ..

 

الله يرحم والديك يا (شاكوش) خل اسئلتك الخزعبلاتيه في نهاية الموضوع … لا تسألني هالحين !!!
المهم .. استمر فينا هالحال إلى أن جاء اليوم الموعود .. اليوم المنتظر .. اليوم الذي يسجله التاريخ بحروف من ذهب ..
جت لبيتنا جارتنا ( أم عنبر ) واجتمعت اجتماع مغلق مع أمي .. وقالت لها : يا (بخيتة) انا بنت عمي مرقدة في مستشفى الشميسي توها مسويه عملية بواسير وبروح اجلس معها مرافقه الليين الله يشفيها بس بغيتس تخلين خدامتي (سومارني) عندتس في البيت تخدمتس وتراعيتس الليين ارجع وأخذها !! .. قالت الوالدة : من جدتس انتي ؟؟ .. عاد ما لقيتي في منفوحة الا انا .. انتي شايفه عيالي ولا ما شفتيهم ؟؟ .. هذولا ياكلون الزفلت اللي يمشي عليه أي شي مؤنث .. الناس إذا بغو ينامون يحضنون كنبل ولا شرشف لكن عيالي يحضنون أي شي ينتهي بتاء التأنيث مثل جزمة .. زبالة .. بلاعة .. طفاية .. برادة .. مطرقة .. لدرجة اني دخلت عليهم في الغرفة أمس لقيتهم يصارحون الدريشة بحبهم  !!! <<< ما تلاحظون الوالدة مصختها شوي  ..

ردت عليها (ام عنبر) وقالت: انتي قدها وقدود يا ( بخيتة) .. أي واحد منهم يقرب للخدامة العني ابو اسلافه .. طلبتتس يا وخيتي ترى مالي الا الله ثم انتي لا ترديني .. قولي تم ؟؟ .. قالت الوالدة: والله اني رافضه الفكرة بس علشان بنت عمتس اللي مسويه عملية بعج بوافق وأمري لله !! .. قالت (أم عنبر) بعصبية: بعج في عينتس .. انا قلت عملية بواسير موب بعج !! .. صرفتها الوالدة وقالت: اللي هو !! .. اهم شي لا تطولين علي اخاف افقد سيطرتي على هالذئاب البشرية  !! ..

لحووول .. لحظة يا جماعة   ..

 

(شاكوش) نزل يدك واصبر لنهاية الموضوع .. وموب كل شوي بقولك لا تسأل … ياخوي افهمها ترى اللبيب بالإشارة ما يقطعها وياخذ مخالفة !!! … نعم؟؟ .. وشو ؟؟ .. عندك تعليق مهم ؟؟ .. طيب خل تعليقك المهم بعد ما اخلص القصة الله يرحم لي والديك ..
الزبدة .. اني رجعت لبيتنا قافلة أخلاقي والذبان مجتمع على خشمي من ريحة (زربكية) الخايسة ومنهد من الروماتيزم اللي متربط في رجولي !! .. اول ما دخلت المطبخ تصلبت خلايا يدي ومفاصل مخي وحسيت ان الروماتيزم ارتفع لعيوني من هووول ما رأيت!! .. شفت ولأول مره إنسان اثبت لي بما لا يدع مجال للشك ان كل اللي شفتهم في حياتي قبل كذا حمير وهو الوحيد الإنسان !!.. شفت جسم له مرتفعات ومنخفضات وهضبات ومعالم بارزة هزت أحاسيسي المحنطة !! <<< موب مثل جسم (زربكية) كنه قلم رصاص ودك تجيب برايه وتبريها من رجلها لراسها ..
شفت لوحة جمالية من لوحات بيتهوفن !! .. شفت أنثى يا جماعة الخير !! .. شفت أنثى يا عااااالم !! .. شفت انثى يا هووووووه !! .. <<< يالله لا تبلانا   ..

ما أخفيكم اول ما شفتها اصابتني هستيريا التشنج الدماغي من الصدمة .. وصرت امشي لجهتها لا شعورياً .. واقرب لها متشفق و رجولي تزلق من سعابيلي اللي تقوطر عالبلاط .. قربت وعيوني مبققة 180 بوصة كنها عيون باسكال الرويشد .. قربت والخدامه ماسكة المكنسة وتناظرني بإستغراب !! .. قربت وانا مفهي ومنسجم مع نفسي اتأمل في عجيب خلق الله سبحانه وتعالي الليين بقى لي حوالي 2 إنش على ما أوصل لها .. قربت .. قربت أكثر .. وما وعيت الا وانا قاشع فيها من الفهية .. وفجأه وبدون أي اعتبار لوجود شخصي القدير حسيت بالمكنسة تمحطني على جبهتي الكريمة بقوة زلزلت كياني وشقت بلاط المطبخ من جبروت بطشها  ..

وبعد صولات وجولات في المستشفى .. طلعت اركض متلهف بروح اتأسف للخدامة واكحل عيوني بشوفتها .. بس قلت لنفسي لحظة !!! .. بما أني تأكدت أنها أنثى اجل لازم أتعلم الرومانسية و اتزين واتكشخ واصير وسيم مثل محمد نور إذا تطايرت خصلات شعره السلسبيل بكل مرونة مع اتجاه الريح <<< لا تشرهون ترى هذا طموح الجمال عندنا في منفوحة   ..

رحت لبيت صديق عمري (ضبيب) بصفته استشاري ماهر في العلاقات العاطفية!! .. طقيت جرس بابهم ويطلع لي أبوه العلّه ويقلطني في الملحق ويجلس معي يسولف لي سواليفه البايخه اللييين دخل علينا (ضبيب) وجلس!!! … انا ما مسكت نفسي وقلت لـ (ضبيب) بحماس: مااادرييييت .. جتنا خدامه إندونيسية قطعة تقول للقمر قم قامت عصبك وانا اقعد مكانك يالشين !! .. قاطعني ابوه وقال: واااعيباه ياللي ما تستحي وتنتخي.. وش هالكلام  !! .. .. انا ما عبرته والتفت لـ (ضبيب) قائلا: الله يا عليها جماال يا (ضبيب) .. اه لو شفت عيونها بس!! .. .. قال لي (ضبيب) بأسلوب ساخر: اقوول لا يكثر هرجك .. عيون الآسيويات معترف عليها دولياً انها صغار ومتمغطه عالجنبين كنها سحّاب شنطة  !!! .. رديت عليه بكل إستهجان وقلت: لا سلامتك .. خدامتنا عيونها كبار بدون ما تتعرض لكحل أو أي ضغوط تجميلية من جهة خارجية !! …

قال لي : طيب وخشمها .. لا تقولي زين .. ترى الخشم عندهم ماركة مسجلة تتوارثها الأجيال وهو انه افنس ومفوحش كنه مركه !! .. .. قلت له: تلااااايط .. اشواا أن خشمها سلة سيف !! .. قال: قصدك سلة محذوفات  !! .. قلت له بكل حقد: أقول ورا ما تاكل كبر راسك وتقول لي وشلون اشبّكها واخليها تحبني .. ابغاها تهلوس فيني .. ابغى اسم (شطيط) يطري على بالها في كل عملية شهيق وزفير تنفسها … في كل زبالة تكنسها .. في كل بلاعة تغسلها .. في كل زبيرية تلبسها .. في كل وصاخه تمسحها !! .. .. قاطع كلامي (ابو ضبيب) وقال: اخس واقطع ولا تخرب ولدي بهالخرابيط يالهيس الأربد  !! .. قلت له : الله يرحم والديك يا (ابو ضبيب) نقطنا بسكاتك ترى الموضوع مهم بالنسبه لي !! .. .. وأرجع لـ (ضبيب) بحماس وأقول له: هاه قل لي وش اسوي ؟..

حط (ضبيب) رجل على رجل وقال بنعرة ارستقراطية: شف علشان توصل لقلب المرأه لازم تدخل عالمها  !! .. قلت له : اخاف عالمها " للعائلات فقط " ويكرشوني السيكوريتي منه !! .. قال : يا جزمة انا اقصد بعالمها اهتماماتها .. ميولها .. رغباتها .. وش تحب … وش تكره !! … شوي ويقاطع كلامه ( ابو ضبيب) ويقول له: انطم يالسمرمدي وشغلك عندي يا (ضبيب) التسلب  !! .. .. أنا قفلت معي وأخذ صحن تمر البرحي اللي جنبي واحطه قدام (ابو ضبيب) علشان يلتهي فيه وارتاح من صجته!! ..

و التفت لـ (ضبيب) أقول له : ايوة كمل .. وشلون اخليها تحبني ؟؟ … قال لي: شاركها افراحها واحزانها .. حسسها بأنها أهم وأغلى و أحلى بنت عندك حتى لو كانت نعلة .. حاول انك تلفت انتباها!! .. قلت له : يعني افلق انتباها بدبة غاز علشان يلتفت لي!! .. قال: يا حمااار انا اقول الفت انتباها موب افلقه .. تدري عاد .. انت حاول انك تكون معها متعاون وحبوب و رزين .. قلت له مضيفاً: و وسيم !! .. قال: المشكلة ان وجهك ناشف ومصدي و خالي من مقومات الحياة يعني غير قابل للتحسين بأي شكل من الأشكال علشان كذا ابغاك تحس ان راسك مقطوع معها وتحاول انك تعالج قبح ظاهرك بجوهر باطنك مع ان باطنك أشين من ظاهرك !! .. قلت له: منتب عاقل يا ضبيب كروز .. رح امسح الزئبق اللي نازل من خشمك بعدين تكلم عن الوسامة .. يالله بس انا ماشي .. تامرني بشي <<< متشفق يبي يروح لها   ..
قال لي: سلامتك بس عاد ابغاك تبيض وجيهنا عند أشقائنا الإندونيسيين !!! .. قلت بعجلة: ابشر بسعدك !! .. .. عقبها التفت جنبي والقى صحن التمر مخلص و (ابو ضبيب) متمدد جنبه مغمي عليه <<< الظاهر انها جرعة زايدة تسببت في إرتفاع السكر عنده !!! .. ..

طلعت من بيتهم وصراخ (ضبيب) وأهله واصل لأخر الحارة يستنجدون بأحد ينقذ أبوهم وانا بيني وبينكم منيب فاااضي .. عندي هدف أسمى لازم أوصل له  <<< انا اشهد ان الحقارة سمه من سمات شخصك الحقير ..

رحت للبيت .. اول ما دخلت سمعت صوت مألوف شبيه بصوت الضربة اللي جت على جبهتي بالمكنسة .. شوي وتشطفني نقالة شايله اخوي (حبلوص) للمستشفى <<< الظاهر ان اخوي كرر سواتي مع الخدامة مما أدى إلى تكرار ردة فعلها   ..
توجهت للمطبخ على عجلةٍ من أمري والقى صبّات ومدرعات وأكياس رمل عند الباب و أشوف الجندي المغوار المقدام (بخيتة) لابسه الزي العسكري و واقفه بالرشاش عند الباب بكل شدة وغلاظة .. والنجمات معلقه على كتفها اللي من كثرها واصله الليين أظافر يديها .. ومن ثقلها كتوفها طايحة على خصرها!! .. قلت: عسى ماشر .. والله لو اني داخل حي السفارات!! .. قالت بصرامة: وش عندك هنا ؟؟ .. قلت : ابغى اشرب موية !! .. قالت: معك تصريح بالدخول؟؟ .. قلت: شكل فيه مداهمة إرهابيين في المطبخ!! .. قالت برباطة جأش: اقول شكل ما عندك سالفه رح ضف وجهك واشرب من برادات المسجد لا اثور في بطنك !! .. قلت: إنشاء الله .. ايه صح يمه ترى دقت (ام عنبر) وقالت لي قل لأمك تخلي هذي مدري وش اسمها …!! .. قالت بحماس: (سومارني) ايه وش فيها !! .. قلت: حلو تامرين شي يمه !! <<< يبي يعرف الأسم   ..

طلعت للحوش واتسند على باب الشارع ضايق ٍ صدري أفكر في خطة أقتحم بها المطبخ .. شوي وينفتح الباب بقوة نشبت وجهي في الخزان!! … .. من ذا الحيوان ؟ .. معقولة!!! .. اخوي (حبلوص) راجع من المستشفى!!.. ويركض بعد  !!! <<< وش عندكم انت وياه تدخلون المستشفى وتطلعون في نفس اليوم   !! ..
انا اندهشت من منظر يوحي بغضب الطبيعة .. يوحي بالشذوذ .. يوحي بخسوف القمر وكسوف الشمس!! … تفاجأت بأخوي (حبلوص) محلق ومتزين ويناظرني بإستحقار من زود النظافة !! .. .. قربت عند وجهه وقلت بتعجب: وش ذا اللي يمشي حولين فمك  ؟؟ .. قال: هذي سكسوكة يالأعمى !!… قلت: اها … طيب وش الطاري كل هذا؟ .. قال: علشان الفت انتباه حبي (سومارني)!! .. قلت بإستذهان: تلفت انتباه !! .. شكلك قابلت (ضبيب)!! … قال: ايه وش دراك انه (ضبيب) ؟؟ .. قلت بعصبية : وهل يخفى الحمااار .. عموماً اهجد يالمعوق ترى انا و (سومارني ) نحب بعض!! .. قال: معصي .. (سومارني ) تحبني وبنتزوج عن قريب انا وياها !! .. .. عقب هالعبارة المستفزة فكيت باب الشارع وصفقته على خشته وتلاقطنا انا وياه بالسكاكين يا قاتل يا مقتول اللييين تدخلت مكافحة الشغب (بخيته) وتفك بينا بعصا المكنسة <<< شكل روسكم مرتع خصب للضرب بالمكنسة ..

بعد هالمعركة الطاحنة .. أخوّتنا تفككت وصرنا نختلف على كل شي ما عدا حب (سومارني ) هو الشي الوحيد اللي نتفق عليه .. لكن هناك عدو شرس يقف عقبه في طريقنا وينبغي علينا أن نتصدى له ونقتحم حصونة و نجتاز أسوارة الا وهو (أرييل بخيتة) ..
وفي يوم حزين .. حدث مصاب جلل لعائلتنا الفريدة وهو أن سيارة مسرعه في شارع المدينة طلعت عن مسارها و رقت عالرصيف ناصيه الإشارة وتقشع (زربكية) اثناء دوامها الرسمي لبيع المناديل والمويه ثمن تاكل بها عامود الإشارة و جلست تخمّس في التقاطع بـ (زربكية) اللي ناشبه في الكبوت اللييين جت تريلة من الشارع الثاني فاقده سيطرتها على الفرامل وتفرم السيارة وتشيل بها خمس عواميد نور على امتداد شارع الأبراج ..
يقولكم شاهد عيان: ان فرق الإنقاذ جلسوا يدورون على جثة (زربكية) يوم بلياليه واخر شي لقوها متصفطة في علبة منديل من شناعة الحادث  <<< و انا من هذا المنبر أحب أشكر من صميم قلبي السيارة والتريلة وعامود الإشارة وعواميد النور اللي أثلجوا صدري و ريحوني من عبء ثقيل في حياتي   ..

 
اول ما سمعت الوالدة بالخبر انخرشت و طلعت من البيت مستعجلة تبي تنقذ ما يمكن إنقاذه .. ومن زود الخرشة نست تاخذ (سومارني) معها .. وما فيه في البيت الا انا و ( حبلوص) و ( سومارني) والشيطان دقينا عليه وقال جايكم في الطريق  <<< حتى الشيطان تاركهم لأنه عارف أن ما عندهم فتن يوسوس بهم عليها ..
ركضنا انا و(حبلوص) نتسابق للمطبخ من الفرحة .. دخلنا ونلقى (سومارني) تغسل المواعين … وبحركة خطـّافية أخذنا المواعين منها وغسلناها بسرعة الوميض ثمن رحنا نغسل الملابس ونلمع البيت علشان نثير إعجابها .. وهي جالسة حاطه رجل على رجل وتناظرنا بنظرة ما قدرنا نحدد مغزاها هي إعجاب أو كره أو تعجب أو شفقة خصوصاً ان عيون الاندونيسيات صعب تحديد لغتها ..

وبعد ما نظفنا البيت كله ولمعناه .. رحنا لها ولقيناها جالسة نفس جلستها و تناظرنا بنفس النظرة الغريبة!! .. حنا ما صدقنا تحققت هاللحظة الأسطورية علشان نفتح باب التميلح على مصراعية .. وما درينا الا وحنا نستعرض عضلاتنا قدامها اللي يسوي حركة الريوس .. واللي حركة الدودة .. واللي حركة الرجل الألي .. واللي رقصة الأخطبوط .. واللي رعشة الفراشة اللييين انهد حيلنا!! .. بعدها رحت لها بقول: وش رايتس فيني؟ .. والقاها تناظرني بنفس النظرة الغريبة .. وانا اللي تقفل معي وأصريت اني اعرف وش معنى هالنظرة!! .. قربت لها أكثر وادقق في عيونها واكتشفت بعد تمحيص دقيق انها مغمضة وفي سابع نوومه  !!! <<< يلعن ام التحطيييم  ..

هزينا كتفها انا و ( حبلوص) وقلنا لها بنبرة تحطيم حاقدة: (سومارني) قومي  !! .. قامت خايفه تقول: أيس فييه !! .. .. بيني وبينكم غريزتنا الذكورية تهيجت وحسينا أن فيه فعل مشين ينبغي علينا فعله بس المشكلة ما نعرف وشلون نسويه !!! .. دورنا في جيوبها وأغراضها على كتالوجها علشان نعرف طريقة استعمالها بس ما لقينا شي .. جلسنا نفكر وش نسوي اللين سمعنا صوت جرس الباب!! .. قال (حبلوص): حلو جا الشيطان فزعتنا .. برب بروح افتح له وارجع لا تسوي شي  !! .. .. راح (حبلوص) يفتح الباب وقال بكل حفاوة وترحيب: هلا والله ابو شيطن !! … ما درى الا وعصا المكنسة تمحطه على جبهته خلته يغير أقواله ويقول: هلا والله يمه   !! .. ..

 
دخلت أمي فرحانه وقالت عندي لكم مفاجأه يا عيالي!! .. أنا وخرت عن (سومارني) من الخوف وقلت بحماس وفرح: وش هي؟؟ .. شوي وتطل علينا (زربكية) طلة إشتياق مفجعه وتقول بصوت مفزع: أنا جييييييييييت !!! <<< ما تتصورون ضيقة الصدر اللي تربعت على قلبي .. يا فرحة ما تمت .. يعنبوها ما ماتت ام سبع أرواح  !! .. ما فيه سيارة ما صدمتها لدرجة ان شركة ميستوبيشي عرضوا عليها موظفة إنتحارية لتجربة دقة نظام الأمان في سيارات الرالي تفادياً للأخطاء المصنعية المميتة !!! .. ..
قاطعت تفكيري أمي وقالت بعصبية : هالحين يالتسلاب بدال ما تنغرف قلوبكم على المملوحة (زربكية) وتروحون تسألون عنها وتطمنون على صحتها جالسين في البيت مع هالفنيسة ( سومارني) <<< من جدها الوالدة إلى هالحين تستخدم تاء التأنيث ونون النسوة وجمع المؤنث السالم أثناء الحديث عن (زربكية) وأعوانها ؟؟ .. من جدها تنادي ( زربكية) بأسمها وتعاير (سومارني) بالفنيسة ؟؟ .. من جدها تشوف ( زربكية) احلى من ( سومارني) ؟؟ .. فكوووني عليها يا نااااس   ..

 

وانا ما فقع مراراتي الا ( حبلوص) يوم انه يوهقني في لحظتها ويقول لأمي: يمه ترى (شطيط) و(زربكية) يحبون بعض حُب تنهمر له الأمطار وتغشى له الأبصار وتتلاشى له الأخطار!! .. قالت أمي بتعجب: معقولة!! .. قال(حبلوص): طبعاً .. وانا اقترح انتس تزوجينهم علشان تكتمل سلسلة العشاق من عنتر و عبلة  .. قيس و ليلي  .. روميو و جولييت  .. شطيط و زربكية  !!! .. .. ردت عليه الوالدة بكل رحابة صدر وقالت: هذي والله الساعة المباركة اللي ازوّج فيها (زربكية) لولدي ( شطيط ) قبل لا تنخطب البنت وتطير من يدينا … الف مبروك يا ( شطيط) الف الف مبروك!!! .. .. بعدها شدت لحيتها وتربطها ربطتين بطريقة ملفتة للنظر ثمن قالت بصوت عالي: كلولولولولوليييييييش <<< لحظة.. من يقصدون بـ ( شطيط )  ؟؟

وفي نفس اليوم .. تزاعلت انا و( حبلوص) وشلت اغراضي من غرفته ورحت لغرفة (زربكية) .. دخلت والقاها تناظرني بأنثوية خالعه وتقول: اوه لهالدرجة مستعجل وما قادر تصبر لبعد الزواج يا روحي !!! .. .. وانا اللي اخزّن كتلة بلغم كبيرة في فمي واقذفها بكل ذمه في وجهها ثمن ارميها برا واسكر الباب!! .. بعدها جلست أرسم خطط ومراوغات وخدع حربية تحت عنوان خطة: " الطريق إلى المطبخ  "  <<< ناااوي ( سومارني)   ..

وفي الليل (وقت التنفيذ) .. طلعت من غرفتي وادعس على وجه (زربكية) اللي نايمة قدام الباب واكمل طريقي للمطبخ .. .. وهناك لقيت الحراسة على أشدها لدرجة ان الوالدة حاطه جنبها بريق شاهي وقهوة وببسي وحبوب سهر وفياغرا وكل ما يحتوي الكافيين والمسهرات والمنشطات المساعده لردع العدوان الغاشم  <<< قسم بالله لو مقضبين (بخيته) الحدود الفلسطينية قبل 60 سنه كان تبدل اسم (القدس المحتلة) إلى ( القدس المستقعدة) .. وتشوفون الإسرائيليين ياكلون أظافر خشوم بعض من القهر و يتقسمون لطوائف وقبايل وتدخل بينهم الأحقاد و الفتن والحروب ويلتهون في أنفسهم مثلنا ..

المهم يا طويلين الأجل .. بينما أنا أراقب الوالدة وهي تداعب لحيتها بيديها وأنتظر منها لحظة ضعف وهوان علشان أقتحم المطبخ .. حسيت ان النعاس غلبها .. قلت: بس جت اللحظة المناسبة !! .. .. مشيت بخفيف لجهة الباب وفجأه شفت (حبلوص) داخل من الجهة الثانية بيسبقني وما وعيت الا والوالدة فتّحت عيونها بحركة مخادعة وترفع الشاكوش وتهبد به على جبهة (حبلوص) وتلزخه على ظهره بالمكنسة الليين قال ربي الله !!!.. .. انا يوم شفت العقاب بأم عيني نحشت لغرفتي وادعس على وجه (زربكية) ثمن ادخل للغرفه واشقق اوراق الخطة القديمة .. وافتح صفحة جديدة .. عنوان جديد خطة: " التسلل التكتيكي  " 

 

طلعت من الغرفة وادعس على وجه (زربكية) واتوجه متسلحاً للمطبخ .. وهناك شفت (سومارني) طالعه من المطبخ للحمام!!! .. .. ركضت لها واخش في عينها متلهف واصارحها بحبي المدفون ببيت شعر مليء بالمشاعر الجياشة قائلاً: أحبتس لعنبو حباً كله تصدي وجفا *** ما يرفق على قليباً ينبض بقولة كمستكا !! .. قالت لي: ايس فيه ؟ .. قلت: صح بدنتس يا عمري   !!! ..

بعد هالهمسات الحميمة .. قربت لها بعطيها قبلة مولد حبنا الأبدي  .. الا وتطب علينا هادمة اللذات (بخيتة) وفي لمح البصر شفت عصا المكنسة ماشية الف لجهتي!! .. وانا اللي اعظ على ثوبي واركض للغرفة وادعس على وجه (زربكية) ثمن ادخل وافتح صفحة جديدة .. عنوان جديد .. خطة: " أكون أو لا أكون  "  ..

 

طلعت من الغرفة و حسيت ان فيه شي ناقص في الخطة مدري وشو!!! .. دورت في جيوبي واغراضي ورجعت للغرفة علشان أتذكره بس عجزت .. شوي واشوف رجلي اليسرى ترفع اصبعها الصغير وتقول لي: ممكن اسأل سؤال ؟؟ .. قلت: تفضلي!! .. قالت: وجه (زربكية) وينه  ؟؟ <<< ايه صح ذكرت ان الدعس على وجه (زربكية) هو اللي ناقص في الخطة ..

تجاهلت الأمر .. وكملت المهمة الليين وصلت للمطبخ .. وفجأه شفت الوالدة تشاخر في سابع نومه ولحيتها ناشبه في شعر (زربكية) اللي طايحة جنبها عالأرض والدمان تصبصب من راسها!! .. دخلت المطبخ وما لقيت ( سومارني) !! .. .. وش السالفة ؟؟ .. من اللي سوا كذا  ؟؟ .. شوي ويدق التلفون ويطلع لي (حبلوص): الووو!! .. قلت بإستغراب: من انت؟ .. قال: انا (حبلوص) يالدرررج!! .. قلت له منصعقاً : وينك فيه ؟؟ .. قال: انا هالحين مع حبي (سومارني) يا مصخرة ههههههههههههههههه !!.. قلت فاهياً : (سومارني) مين؟ ..

 

قال: (سومارني) اللي خلتك تخلص دفاتر و أوراق البيت علشان ترسم خططك الفاشلة عليها !! .. (سومارني) اللي صار لك اسبوع تحووم حولين باب المطبخ وما قدرت توصل لها يالزلابه .. وانا بذهانتي وصلت لها بحبتين منووم في الشاهي للوالدة وخمس حبات لحبيبة قلبك (زربكية) الللييين نامت الوالدة بس (زربكية) ما أثر مفعول المنوم عليها واضطريت اصفق راسها بالسخّانة علشان يغمى عليها ههههههههههههههههههههه !! <<< انا حسيت ان الأرض بتنشق وتبلعني .. حسيت اني صارور صافقه بزر بزبيرية عشرين مرة الليين طشر دمه وتقطع جسمه وتوزع على جميع ارجاء الحمام!! .. حسيت اني واحد لابس سروال سنه مشقوق من النص ومفوحش في مجلس رجال!! .. حسيت اني بنت مضيعه عبايتها في المدرسة وقت الطلعة والباص رايح عنها !! .. حسيت اني نكرة !!

قاطع احاسيسي (حبلوص) قائلاً : الووووو !! .. استدركت واقعي المؤلم وقلت بلخمه شديدة: هاه!! .. قال: (شطيط) تخبر فندق خمس نجوم لي انا و(سومارني) ويا ليت يكون عالكورنيش علشان نتبادل الرومنسية عالبحري!! .. الوووووو يا مسرّح!! .. قلت بلخمه أشد من اللخمة اللي قبلها: وشو .. من انت  ؟؟ .. قال: الله يخلف عليك .. يلا مع السلامه بس .. ايه صح نسيت اقولك اني وانا طالع من البيت انا وحبي ( سومارني) حسيت بتأنيب الضمير .. وبلغت عليكم مكافحة التسول يعني رح افتح لهم الباب يا حلو هههههههههههههههههههههههههههه .. ..

 

انا من الصدمة رميت السماعة واشغـّل صفارة الإنذار وأعلن حالة الإستنفار في البيت .. ورحت اركض لغرف الحبشيات واقومهم كلهم … ثمن رحت للوالدة (بخيتة) احاول اقوم فيها وهي في سابع نومه ما تدري وش السالفة .. اضطريت اشيلها على كتفي من العجلة .. توجهت للباب بطلع لكن شدني منظر (زربكية) وهي متمددة عالأرض تصبصب دمان وتطالعني بنظرات إحتضار العاطفة التي أجبرتني على أن انطلق إليها بجوادي الأبيض كالفارس البطل الهُلام حتى اقتربت منها بكل شجاعة وإقدام وأراها ترفع يدها لبطلها المنقذ .. فوصلت إليها وإذا بيدها تلامس أطراف يدي فدعست على وجهها بقدمي وكملت نحشتي مع أمي <<< انا عارف انكم حاقدين علي بس اعذروني انا إذا شفت وجه (زربكية) رجلي تحكني لازم اتوطّاه   ..

 

المهم .. طلعنا نركض انا وأمي و الحبشيات للحوش .. فتحنا باب الشارع وما درينا الا ومكافحة التسول مطوقين البيت والحارة كلها … عقبها تجمعوا علينا و مسكونا وسووا تمشيط داخل البيت ولقوا (زربكية) تلفط أنفاسها الأخيرة خصوصاً ان دعسة رجلي عفطت خشمها وصار عندها ضيق تنفس بس اللي قاهرني ان دعسة رجلي وقفت نزيف الدم في راسها <<< حقير حتى النخاع  ..

عقب ما شافوا رجال المكافحة البواسل حالة (زربكية) المستعصية شالوها و ركبوها معنا في الجيب و اخذونا على السجن ..

 

وبعد مضي يومين من معاناة السجن.. جا (حبلوص) و (سومارني) لسجن النسا يزورون أمي!! … وقال (حبلوص) لأمي بعقوق: حيا الله السوابق !!! .. ناظرته (بخيتة) بحقد وقالت: يعنبوك انا خبري الولد العاق لو خربها يحط أمه في دار العجزة أو يرميها في مكان عام وينحاش .. تقوم انت تسجني علشان هالفنيسة ياللي ما تخاف الله!!! … قال لها بغدرة: والله يا ( بخيته) العدالة لازم تاخذ مجراها وانا بصفتي مواطن غيور على مصلحة وطني لازم ألبي نداء الوطن وارفض أي جريمة تمس بأمن بلادي الحبيبة ..لازم يا (بخيته) نفتخر بوطنيتنا ونقول بأعلى صوت: سارعي للمجد والعلياء من ثنيات الوداع وارفع الخفاق الأخضر ما دعا لله داع .. !! .. قاطعته الوالدة وقالت: انطم و رح احفظ النشيد زين بعدين تعال تفلسف بوطنيتك الزائفة يا عاااق!! .. .. طلع (حبلوص) من السجن وهو يلعن على (ضبيب) اللي محفظة النشيد غلط   ..

 

بعدها بيوم تزوجوا (حبلوص) و (سومارني) وعاشوا في سبات ونبات وخلفوا معوقين وشغالات ..

 

ولكن ليس كل ما يتمناه المعوق يدركه !! .. بعد الزواج بأسبوع .. انفتح باب زنزانتي واشوف العسكري يرمي (حبلوص) داخلها .. قلت: اهلاً بالخون!! .. .. قال: الحق علي يا خوي!! .. .. قلت: الله يالدنيا هالحين صرت اخوك يا طفل الإشارة !! .. .. قال : (سومارني) خلتني اتسلف من اللي يسوا واللي ما يسوا علشان ارضيها واخرتها سرقتني ونحاشت وأصحاب الدين اكلوا وجهي من المطالبات الليين سجنوني !!! ..

هزيت راسي بإيحاء توعوي وقلت: ايييييه صدق المثل اللي قال "من حفر حفرةٍ لأخيه وقع في السجن !! ".. قال: طيب وش الحل ؟؟ .. قلت: الحل انك تتلحط معي هنا انت وحثال الشاهي اللي منكب على فمك!! .. قال بعصبية: كم مره اقولك هذي سكسوكة ومن فضلك لا عاد تذب على سكسوكتي !! .. قلت: اقول انطم يالسوابق يالسجين .. ايه صح على طاري سوابق و سجين .. فيه ثأر قديم باخذه منك!! <<< وانا اللي اقوم افقّع وجهه واصفّق فيه الليييين تفككت مفاصل يدي ورجلي لدرجة ان اصدقائي المساجين فزعوا معي وصرنا كل يوم نسطّره ونخليه يغسل المراحيض ويسوي بدالنا كل الأشغال الشاقة لدرجة اننا طبقنا عليه أنظمة و لوائح ونشاطات سجن الكتراز وغوانتانامو وابو غريب   ..

 

وختاماً .. تم البت في قضيتنا والذي نتج عنه السجن وعقوبة التشهير لي انا وأمي وترحيل الحبشيات بما فيهم (زربكية) إلى ديارهم <<< وانا من خلف القضبان أحب أشكر من صميم قلبي مكافحة التسول والمطار والطيارة اللي اثلجوا صدري و ريحوني من عبء ثقيل في حياتي  ..

 

النهاية

 

ايه صح ذكرت .. (شاكوش) فيه سؤال عندك صاجني تبي تقوله من اول القصة ..
وبما اننا خلصنا عطنا سؤالك .. بس يا ليت تقوله في أذني علشان ما تغث الأعضاء بفلسفتك الزايدة..

قرب شوي .. ايوووة .. شاطر … هاه وش عندك ؟ ..

وشلون؟؟

وشو راسه  ؟؟

(زبيبه) مين  ؟؟

اييييييييييييه والله (زبيبة)  !!! .. نسييييت اطلّع راسها من درج الباص الله يلعن الشيطان!!! .. وانا اقوول مالها حس ليش ؟ .. يلعن ام القهر !! .. البيت كله انسجن وهي حره طليقه!! .. انا ما صدقت (زربكية) وأعوانها يترحلون .. اتوهق بـ (زبيبة) عندي!! .. اه يالقهر اه  .. يا ليتني خليتك تسألني وتذكرني يا ( شاكوش ) كان هالحين منسجنه ومترحله مع (زربكية)!! .. يا خوفي ان (زبيبة) تحسب اني موزيها عن الشرطة من زود حبي لها ثمن عاد وش يفكني منها إذا طلعت!! <<< تهقون هذا اللي يسمونه الحب   !!